Початок | Контакт | Сербски

Поволуєме Вас на 10. схадзку Предсидательства Дружтва за руски язик, литературу и културу, хтора ше отрима, соботу, 07. марца 2009. року на 11,00 годзин у Заводу за културу Войводини, Нови Сад, Войводи Путнїка 2.

ДНЬОВИ ШОР:

I - 11,00 годзин

НОВИ ВИДАНЯ ДРУЖТВА:

1. Зборнїк роботох STUDIA RUTHENICA 13 (26)
2. Гелена Гафич Стойков: сликовнїца Снови мале
Иренице испод једне дуњице по сербски

II - 12,00 годзин

1. Записнїк зоз 9. схадзки Предсидательства Дружтва;
2. Препатрунок активносцох медзи двома схадзками;
3. Финансийни звит Дружтва за 2008. рок;
4. Kалендар активносцох у 2009. року и
5. Р и ж н е

Зоз поволанку посиламе материяли од 1-4 точку. Модлїме же бисце вжали учасц, а кед сце нє у можлївосци присуствовац пошлїце Вашого заменїка.

Надпомнуце: на другим боку поволанки податки: адреса и ПИБ 101638146 Дружтва хтори можеце похасновац при купованю горива за приход на схадзку.

З почитованьом.

Секретарe Дружтва
Владимир Салонски, Наталия Рамач

Предсидатель Предсидательства Дружтва Янко Барна, в. р.

 

З А П И С Н Ї К

зоз 9. схадзки Предсидательства Дружтва за руски язик, литературу и културу, хтора отримана 28. октобра 2008. року на
15,00 годзин у Заводу за културу Войводини, Нови Сад

На схадзки присуствовали Владимир Дудаш, др Юлиян Рамач, др Ксения Кугайда, Гелена Гафич Стойков, Мария Бесерминї, Славко Пап, Анита Ґовля, Александар Мудри, Наталия Рамач, Владимир Салонски, Мария Дорошки и Ирина Папуґа. Зоз Рускей редакциї ТВ присуствовала Мария Даниш Канюх. Зоз схадзку руководзел Александар Мудри, член Предсидательства Дружтва. Дньови шор дополнєни зоз точку Нови виданя Дружтва.

ДНЬОВИ ШОР:

1. Записнїк зоз 8. схадзки Предсидательства Дружтва;
2. Препатрунок активносцох медзи двома схадзками;
3. Aктивносци Дружтва по конєц 2008. року;
4. Дїловнїк о роботи Скупштини Дружтва предкладанє;
5. Програма Дружтва за 2009. рок предкладанє
6. Нови виданя Дружтва и
7. Р и ж н е

Точка 1.

Записнїк зоз 8. схадзки Предсидательства Дружтва, отриманей 26. юния 2008. року у Новим Садзе прилапени.

Точка 2.

Препатрунок активносцох медзи двома схадзками прилапени. Прекоментарована успишно отримана промоция кнїжки Юлияна Папа Добре ранo зоз дзецинску програму у Народней библиотеки у Руским Керестуре (18. 10. 2008). Дополнєнє препатрунку активносцох ше одношело на 3. подобову виставу Стретнуце у Боднарова хтора мала буц отворена 28. 10. 2008. року (у вечарших годзинох) у Ґалериї Културного центру у Кули.

Точка 3.

Aктивносци Дружтва по конєц 2008. року ше одноша на:
1. вибор литературних творох Меланиї Павлович, под назву Белави лєт на хторим ше (зоз фин. потримовку Городскей управи Нового Саду) анґажую мр Лука Хайдукович и Дюра Латяк. Друкованє кнїжки ше у едициї Дружтва Литература 2 планує у 2009. року;
2. розписани литературни конкурси: проф. Гавриїла Г. Надя, др Мафтея Виная и Штефана Чакана тирваю у тим, 2008. року, з тим же ше преноша и до першей половки 2009. року. Замодлїц наставнїкох руского язика же би ше вєдно зоз школярами анґажовали на писаню литературних составох: стихох, приповедкох, баснох итд;
3. означованє 80-рочнїци Владимира Сабо Дайка (09.11.1928) у Коцуре, у рамикох хторого, слово вежню др Юлиян Рамач (о язику), Серафина Макаї (о лит. творчосци) и Микола М. Цап (о вид. дялносци). З тей нагоди треба спомнуц и 60-рочнїцу од народзеня Силвестера Пушкаша, подобового уметнїка зоз Коцура (14.11.1948) хтори нє прилапел же би була орґанизована окремна вистава його под. роботох. Геленка Канюхова виражела жаданє же би у рамикох означованя 70-рочнїци (06.06.1938) од народзеня єй акварели були виложени под час Дньох Миколи М. Кочиша, цо прилапене;
4. 80-рочнїцу од народзеня писателя, линґвисти и педаґоґа Миколи М. Кочиша (01.12.1928) треба означиц у правим шветлє у рамикох 18. манифестациї Днї Миколи М. Кочиша, хтора би почала, соботу, 29.11.2008. року зоз отримованьом Скупштини Дружтва, додзельованьом припознаньох и промоцию нових виданьох Дружтва. Предлужело би ше ю зоз кладзеньом квеца на гроб М. М. Кочиша (пондзелок, 01.12.2008), подобову роботню и виставу Омаж Фриди Кало и означованьом рочнїцох у Руским Керестуре: 160 рокох од народзеня Ферка Пап Радваня, 140 рокох Михаила Поливки, 120 рокох Константина Петриґали и 80 рокох Янка Олеяра, литературним стретнуцом у Новим Орахове у хторей би вжал учасц и писатель Владимир Сабо Дайко, як и промоцию виданьох Дружтва у наших штредкох;
5. Отримане би було по можлївосци и стретнуце зоз штредньошколцами хтори факултативно виучую руски язик у Ґимназиї „Сава Шуманович” у Шидзе, а тиж и зоз новосадскима у РКПД. За школярох у Шидзе (до библиотеки Ґимназиї) би ше намагало позберац єдно число кнїжкох (можу буц уж и пречитани) у наших школох у Руским Керестуре, Коцуре, Дюрдьове, Новим Садзе итд;
6. Додзелєни припознаня би були шлїдуюци:
а) добитнїк плакети проф. Гавриїла Г. Надя за 2008. рок будзе Славица Мали, проф. руского язика зоз Вербасу (успишно орґанизовала 14. стретнуце руских школох у Вербаше, єй школяре кажди рок доставаю припознаня на змаганю з руского язика и язичней култури итд);
б) позарядово ше додзеля и припознаня зоз подобу проф. Гавриїла Г. Надя наставнїцом хтори з дзецми уча руски язик у Канади: Славка Макаї, Любица Павлович, Весна Фа и Весна Венчельовски, а Рускому Дружтву Сиверна Америка у Онтарию и Саскачеванскому дружтву рускей култури „Русин” зоз Норт Батлфорду у Канади припознаня зоз подобу Миколи М. Кочиша. Шицким школяром (12+30) хтори виучую руски язик у Канади пошлє ше руски кнїжки (сликовнїци, дзецински романи, сказки итд);
в) припознаня зоз подобу Миколи М. Кочиша за 2008. рок достаню и: Юлин Пап, Владимир Сабо Дайко, др Михал Тир, Дюра Латяк, мр Лука Хайдукович, о. Михало Режак, о. Владислав Варґа, Ксения Саламон, Серафина Макаї, Владимир Ґовля, Гелена Канюх, Гавриїл Колєсар, Гелена Гафич Стойков, Татяна Таґасович-Винай, Леона Гайдук, Никола Кнежевич, Владимир Салонски, Цецилия Мудри, а од институцийох: Дом култури, Руски Керестур, Дружтво Руснацох у Суботици, Ґимназиї „Сава Шуманович” у Шидзе, Технїчна школа „Йован Вуканович”, Нови Сад, РКПД, Нови Сад, Друкарня Вивершней ради АПВ и Друкарня FB Print, Нови Сад;
7. Пририхта ше и вистава зоз 5. подобовей колониї Стретнуце у Боднарова у Ґосподїнцох 2008. року зоз каталоґом. Отверанє плановане за децембер у РКПД, Нови Сад;

Точка 4.

На предкладанє Дїловнїк о роботи Скупштини Дружтва дата заувага же член 3. треба ускладзиц зоз членом 24, пасус два Статутом Дружтва, односно же би у составе роботного предсидательства Скупштини були и подпредсидателє. Дїловнїк о роботи Скупштини Дружтва будзе принєшени на Скупштини Дружтва;

Точка 5.

Предкладанє Програми Дружтва за 2009. рок прилапене, а пририхта ше и финансийни план хтори будзе основа за посиланє вимогох за средства у 2009. року.

Точка 6.

У рамикох видавательней дїялносци Дружтва пририхтує ше нове 13. число Зборнїка роботох Studia Ruthenicа за 2008. рок, а попри кнїжки Юлияна Папа: Good Morning! We learn English / Добре рано! Учиме ше по анґлийски у тим року вишли и тоти наслови: Основна школа Бачинци Ирини Папуґа, Язик наш насущни мр Гелени Медєши и сликовнїца за дзеци Сни малей Иринки спод єдней перинки Гелени Гафич Стойков. Перша промоция тих виданьох, зоз 12. числом Studia Ruthenici хтора вишла медзи двома саямскима манифестациями була на 53. сайме кнїжкох у Беоґрадзе (штанд нац. меншинох). Представянє спомнутих виданьох отрима ше под час Дньох Миколи М. Кочиша у Новим Садзе и других штредкох, Основна школа Бачинци у Бачинцох, а сликовнїца у руских предшколских оддзелєньох у Дюрдьове, Коцуре. Руским Керестуре, Кули, Вербаше итд.

Точка 7.

Рижне ше одношело на пририхтованє идуцого 4. наукового сходу 2009-2010. року, предлужованє виучованя руского язика у Беоґрадзе (бешедовац зоз Владком Бодянцовим, студентом зоз Руского Керестура у Беоґрадзе чи би ше зоз фин. Потримовку Националного совиту прилапел орґанизовац тоти активносци), а було слова и о програмох тогорочней Костельниковей єшенї, участвованю у ТВ емисиї Добри вечар, Войводино (30.10.2008) итд.

Схадзка закончена на 17,15 годзин.

Схадзку водзел: Александар Мудри, член Предсидательства Дружтва
Записнїчар: Наталия Рамач секретар Дружтва

 

АКТИВНОСЦИ ДРУЖТВА ЗА РУСКИ ЯЗИК, ЛИТЕРАТУРУ И КУЛТУРУ
медзи двома схадзками Предсидательства
(VI-X 2008)

Юний:
26.06. - 8. схадзка Предсидательства Дружтва за руски язик, литературу и културу у Новим Садзе на хторей представене нове виданє Дружтва и Рускей фондациї: Юлиян Пап Good mornng Добре рано;

 

Юлий:
01.07. - 80 роки од народзеня Цецилиї Цап Гаргаї, Коцур, 01.07.1928, учительки, култ. роботнїка – послата винчованка
до Раєвого Села на хторе учителька (у тел. розгварки) щиро подзековала;
04-06.07. - Фестивал рускей културу Червена ружа у Руским Керестуре;
15.07. - схадзка у Одзелєню Министаерства просвити у Новим Садзе коло (I класи) у Дюрдьове;
18-20.07. - 4. подобова и 7. дзецинска колония Стретнуце у Боднарова у ОШ у Ґосподїнцох;

Подобова колония у Ґосподїнцох 2008. року

Август:
02.08. - умар Силвестер Ґача (1939-2008), кореограф, културни творитель, поховани є у Р. Керестуре 3.08.2008;
28.08. – промоция кнїжки Юлияна Папа Good mornng - Добре рано (у рамикох кирбая) у Коцуре;

Промоция кнїжки Юлияна Папа у Коцуре

Септембер:
02.09. - одбрана дипломскей роботи Зденка Лазора зоз Бикичу на Катедри за руски язик, литературу и културу
Филозофского факултета у Новим Садзе;

Зденкo Лазор на одбрана дипломскей роботи у Новим Садзе

10.09. - активносци литературних секцийох Микола М. Кочиш и Бошко Урошевич у рамикох школи у Бачинцох;
11.09. - участвованє на ТВ (руска редакция) зоз тему о виучованю руского язика з елементами националней култури
у руских штредкох;

13.09. - сретнуце зоз писателями за дзеци и подобовима творителями Серафину и Силвестеом Макаї, додзельованє
припознаньох Ана Кнежевич Ждиняк и промоция руских виданьох НВУ "Руске слово" и Дружтва за руски язик,
литературу и културу у Парохиялним доме нашей церкви у Сримскей Митровици;

Литературне стретнуце у Сримскей Митровици

16.09. - початок 2008/2009. шк. рока у ТШ „Йован Вуканович” зоз школярами хтори виучую руски язик у штреднїх
школох у Новим Садзе. Руски язик преподава Тат’яна Яким, професор зоз Коцура (замена проф. Наташи
Перкович Шайтош);
26.09. – послати допис Ґимназиї „Сава Шуманович” у Шидзе – винчованка за успишни початок виучую руски язик у
штреднїх школох у Шидзе. Руски язик преподава Зденко Лазор, професор зоз Бикичу;

Октобер:
01.10. - 70 роки од народзеня Гелени Гафич Стойков (1938), поетеси и културного творителя - послата винчованка;
05.10. - Meдзинародни дзень просвити (UNESCO) - 4. науково-фахови сход у Заводу за културу Войводини;

4. науково-фахови сход о просвити и образованю у Войводини

05.10. - 100 роки од народзеня о.Онуфрия Тимка (Коцур, 05.10.1908 - Вербас,1989) – пригодни напис на Радио Новим Саду;
09.10. - 2. схадзка Литературного одбору „Поетски нїтки Меланиї Павлович" у Новим Садзе: порада о обявйованю прилогох
зоз 1. сходу (8. 12 .2007) у Studia Ruthenici 13 (2008) и вибору поезиї Меланиї Павлович (Белави лєт);
18.10. - промоция кнїжки Юлияна Папа Good mornng - Добре рано (у рамикох мешаца кнїжки) у Руским Керестуре;
21.10. - 60 роки од народзеня Гавриїла Колєсара (Руски Керестур, 1948), новинара и култ. дїяча - послата винчов. до Канади;
25.10. - oзначованє 190 роко рускей школи у Шидзе (1818), 160 рокок од насельованя Руснацох до Бикичу (1848) и
27.10. - 80 рокох од народзеня Ксениї Саламон (Бачинци, 27.10.1928), учительки и културного роботнїка у Шидзе;
28.10. - 9. схадзка Предсидательства Дружтва за руски язик, литературу и културу у Новим Садзе